სპეცდანიშნულების რაზმმა ნიკა მელია დააპატიმრა

სამართალდამცავებმა ნაციონალური მოძრაობის ლიდერი ნიკა მელია დააკავეს. 

სპეცდანიშნულების რაზმი იმ ოთახში შევიდა, სადაც ნიკა მელია მხარდამჭერებთან ერთად იმყოფება.

სპეციალური დანიშნულების რაზმმა ოთახში რამდენიმე წუთის წინ ე.წ. წიწაკის სპრეი გაუშვეს.

ოთახში შეკრებილებმა პოლიციისთვის წინააღმდეგობის გაწევა სცადეს, თუმცა  სპეცრაზმმა ნიკა მელია დააკავა. იგი სამართალდამცავებმა ტერიტორიიდან უკვე გაიყვანეს.

სპეცოპერაცია გამთენიისას დაიწყო. მელიას აყვანამდე სამართალდამცავებმა პარტიის ოფისში მყოფი მოქალაქეები და მათ შორის პარტიის ლიდერები გარეთ გამოიყვანეს.