“ინოვაციებისა და ცვლილებების ინსტიტუტი” “თავისუფალ მედია სივრცესთან” და სოფლის მეურნეობის განვითარების ასოციაციასთან ერთად ახალი პროექტის განხორციელებას იწყებს. პროექტის მიზანი სოფლად მცხოვრები ქალების გაძლიერება და მდგრადი გარემოსდაცვითი რესურსების განვითარების ხელშეწყობაა გურიის რეგიონში.
პროექტის ფარგლებში განმახორციელებელ ორგანიზაციებს საკმაოდ საინტერესო გეგმები აქვთ. პროექტი ითვალისწინებს სოფლად მცხოვრებ ქალთა შესაძლებლობების ზრდას და მათი ეკონომიკური უსაფრთხოების გაუმჯობესებას.
პროექტი ითვალისწინებს კლიმატის ცვლილებებზე და აქტუალურ გარემოსდაცვით საკითხებზე ორიენტირებული სოფლის მეურნეობის მიმართულებით სოფლად მცხოვრებ ქალთა ჩართულობით ცოდნის დანერგვა-გავრცელებასაც.
პროექტის ფარგლებში შეიქმნება საინფორმაციო-საგანმანათლებლო რესურსები. ასევე, პროექტის ბენეფიციარებს გაეწევათ დახმარება ბიზნეს–გეგმების შედგენაში, რათა მათი საქმიანობის დაფინანსების შესაძლებლობები მეტად გაიზარდოს. პროექტი დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაკვეთით გერმანიის საერთაშორისო თანამშრომლობის საზოგადოების (GIZ) პროექტ „სამოქალაქო საზოგადოების გაძლიერება აღმოსავლეთ პარტნიორობის ქვეყნებში“ ფარგლებში
სიუჟეტი მომზადდა პროექტის- „სოფლად მცხოვრებ ქალთა გაძლიერება კლიმატის ცვლილებებზე ორიენტირებული სოფლის მეურნეობის მედეგობის გაზრდისა და ეკონომიკური ინტეგრაციის ხელშეწყობისათვის“ – ეგიდით, რომელსაც ახორციელებს ინოვაციებისა და ცვლილებების ინსტიტუტი, თავისუფალ მედია სივცრცესთან და სოფლის მეურნეობის განვითარების ასოციაციასთან პარტნიორობით გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაკვეთით გერმანიის საერთაშორისო თანამშრომლობის საზოგადოების (GIZ) პროექტ „სამოქალაქო საზოგადოების გაძლიერება აღმოსავლეთ პარტნიორობის ქვეყნებში“ფარგლებში.
Loading ...