სოფელ ხიდისთავში გურული ღვინის ტრადიციული ფესტივალი მიმდინარეობს. ფესტივალში მონაწილეობას იღებენ გურიის საოჯახო მარნები, რომლებიც სტუმრებს გურული ენდემური ჯიშებისგან დამზადებულ ღვინოს სთავაზობენ. ფესტივალში ასევე მონაწილეობენ მეღვინეები იმერეთიდან, რაჭიდან და კახეთიდან, მათ შორის ღვინის ცნობილი კომპანიები. ფესტივალი გულისხმობს კულტურულ ნაწილსაც. სტუმრების განწყობაზე ზრუნავენ ადგილობრივი შემოქმედებითი ანსამბლები, მოეწყო თეატრალური მსვლელობა- პერფორმანსიც. როგორც ფესტივალის ორგანიზატორები ადგილობრივი თვითმმართველობიდან ამბობენ, ფესტივალის მიზანი გურული ღვინის პოპულარიზაცია და სხვადასხვა რეგიონის მეღვინეებს შორის საქმიანი ურთიერთობების გაღრმავებაა.
სოფელ ხიდისთავში, ანა კალანდაძის სახელობის პარკში გურული ღვინის ფესტივალი უკვე მესამედ იმართება. ფესტივალში მონაწილე საოჯახო მარნების და კომპანიების რაოდენობა კი წლიდან წლამდე იმატებს.
კომენტარები
Loading ...
