სოფელ შრომაში დიმიტრი თესალონიკელის სახელობის ტაძრის მშენებლობა მიმდინარეობს

ოზურგეთის მუნიციპალიტეტის სოფელ შრომაში წმინდა დიდმოწამე დიმიტრი თესალონიკელის სახელობის ტაძრის მშენებლობა მიმდინარეობს. მისი მშენებლობა დიდი ხნის უკან დაიწყო, დაახლოებით 2008 წელს. მაგრამ უსახსრობის გამო შეჩერდა და წელს გაზაფხულზე შრომის ერთ-ერთი მკვიდრის, ვარლამ-ვალერი შველიძის ფინანსური დახმარებით სამუშაოები კვლავ აღდგა.

„ტაძრის მშენებლობა ძალიან სასიხარულოა თითოეული ჩვენგანისთვის და მივესალმებით ამ ფაქტს. ბევრ ასეთ სასიხარულო ამბავს ვუსურვებ ჩვენს სოფელს“ – ამბობს ჩვენთან საუბრისას სოფელ შრომის მკვიდრი მალხაზ კვაჭაძე.

სოფელ შრომაში მოღვაწე  სასულიერო პირი დეკანოზი პავლე ქინქლაძე გვიყვება, რომ მეუფე იოსების ლოცვა-კურთხევით ტაძარი წმინდა დიდმოწამე დიმიტრი თესალონიკელის სახელობის იქნება.

„ახალი ტაძარი მშენებლობის დასრულების ეტაპზეა, გადახურვითი სამუშაოები მალე დაიწყება“ – გვეუბნება დეკანოზი

ტაძრის მშენებლობა კი სავარაუდოდ წლის ბოლომდე დასრულდება.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ავთო ხომერიკმა მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ-ის საელჩოს ალუმნი საგრანტო პროგრამის ფარგლებში