სოფელ ქაქუთში, საცხოვრებელ სახლთან მეწყერი ჩამოწვა

ქობულეთში, სოფელ ქაქუთში, ზაქარიაძეების საცხოვრებელ სახლთან მეწყერი ჩამოწვა. ჩამოშლილმა მიწის მასამ სოფლის შიდა საავტომობილო გზაც ჩახერგა.

ოჯახის მეპატრონის თქმით, მეწყერული პროცესი დაახლოებით ღამის 4 საათზე განვითარდა, რამაც სახლთან არსებული საყრდენი კედელი მოანგრია. ასევე დაბზარულია სახლის შიდა კედლები. მისივე თქმით, საფრთხის შემცველია სახლში გაჩერება, რის გამოც ისინი ღამის გათენებას დროებით მეზობლის სახლში აპირებენ.

ქობულეთის მერიაში აცხადებენ, რომ რამდენიმე სოფელს არ მიეწოდება ელექტროენერგია. მიმდინარეობს აღდგენითი სამუშაოები.

წყარო – ajaratv.ge