სოფელ სილაურში ძირკვაძეების სახლს კედელი ჩამოეშალა

წუხელ ღამით, ოზურგეთის მუნიციპალიტეტის სოფელ სიალურში მცხოვრები ძირკვაძეების ოჯახს ძლიერი წვიმისგან პრობლემები შეექმნა. სახლს კედელი გამოენგრა, რის გამოც სახლში ცხოვრება შეუძლებელია. ოჯახმა მეზობელთან შეაფარა თავი. ადგილზე გუშინვე იყვნენ ადგილობრივი ხელისუფლების წარმომადგენლები, მერის მოადგილე ოსიკო თოთიბაძე და ინფრასტრუქტურის სამსახურის უფროსი თემურ გიორგაძე. ოჯახს ოზურგეთის მუნიციპალიტეტის მერია ახლო მომავალში სამშენებლო მასალებით დაეხმარება.