25 მაისის ღამეს სომხეთში მდინარე დებედი ადიდდა, რამაც მნიშვნელოვანი დააზიანა სომხეთიდან საქართველოსკენ მიმავალი სახელმწიფოთაშორისი გზა.
bm.ge-ის სომხეთის ბიუროს ცნობით, ამ დროისთვის გზა ორივე მიმართულებით გადაკეტილია.
სომხეთის ტერიტორიული ადმინისტრაციისა და ინფრასტრუქტურის სამინისტროს ცნობით, სომხეთ-საქართველოს გზა, რომელიც გადის ვანაძორსა და დილიჟანზე და „ბაგრატაშენის“ საგუშაგოზე, დროებით მიუვალია.
რაც შეეხება ალტერნატიულ მარშრუტებს, მოძრაობა “გოგავანის” გამშვები პუნქტის (ტაშირ-სტეფანავანი-ვანაძერი-ერევანი) და “ბავრას” (გიუმრი-ერევანი) გავლით არის შესაძლებელი.
„ბაგრატაშენის“ სასაზღვრო გამშვები პუნქტისკენ მიმავალ გზებზე დაზიანების გამო, სომხეთის შემოსავლების სამსახური ბიზნესს მოუწოდებს, ტვირთის გადაზიდვა საქართველოდან სომხეთში და უკან „გოგავანის“ ან „ბავრის“ გამშვები პუნქტებით განახორციელონ.
ამასთან, კომპანია „სამხრეთ კავკასიის რკინიგზამ“ რკინიგზის ლიანდაგზე მეწყერის გამო ერევანი-თბილისი-ერევნის რეისები გააუქმა.
Loading ...