ოზურგეთის მეოთხე საჯარო სკოლაში ღონისძიება სახელწოდებით ”სიცოცხლის სამოსახლოა ჩემი პატარა გურია” გაიმართა.
”თითქოს ერთი ჩვეულებრივი დილა გათენდა…მაგრამ დიდი მიზანი გვამოძრავებდა ოზურგეთის მე-4 საჯარო სკოლის მე-10-ბ კლასის მოსწავლეებს, მასწავლებლებსა და მშობლებს: პროექტის სლოგანი – ,,სიცოცხლის სამოსახლოა ჩვენი პატარა გურია” რეალურ შეგრძნებად გვექცია… ადგილიც შევარჩიეთ, დვაბზუში შალვა რადიანის მუზეუმი და მისი საოცარი ეზო -მიდამო… აქ, ამ მშვენიერ გარემოში, დამსწრეთ მიესალმა კლასის ხელმძღვანელი ინგა კოსტავა. დალი რუსიეშვილმა ისაუბრა პროექტის აქტუალობაზე, ალეგრობის ისტორიასა და ტრადიციებზე გურიაში. რუსუდან მეგრელაძემ ისაუბრა გურიისა და გურულების მშვენიერებასა და საერთაშორისო ავტორიტეტზე, ასევე გაამახვილა ყურადღება გურამ შარაძის შესანიშნავ წიგნზე ,,გურია”. ხათუნა ბაჯელიძის მუსიკალურმა ნომრებმა და ცეკვის მასწავლებელ ხათუნა ჯაფარიძის მომზადებულმა ცეცხლოვანმა ,,ხორუმმა” ზეიმის ელფერი შემატა ამ დღეს. მე-10-ბ კლასის მოსწავლეებმა წარმოადგინეს საინტერესო პრეზენტაციები (,,გურიის ისტორიული ფურცლები”, ,,ოზურგეთი და ოზურგეთლები”, ,,გურული ტრადიციული კეძები”), ასევე წარმოადგინეს ლიტერატურული კომპოზიცია -,,რა ყოფილა გურია”. პროექტის მონაწილეებმა გააცოცხლეს გურიის სტუმარი, ქართველი თუ უცხოელი, ცნობილი ადამიანების შეფასებები და წარმოთქმული სიტყვები გურიასა და გურულებზე, მოუსმინეს მუზეუმის მოწვეულ სტუმარს, გ.ბურჭულაძეს, რომელმაც ისაუბრა გურულ ტრადიციებზე , ჭურიდან ღვინის ამოღების თავისებურებებზე, პროექტის დასასრულს დააჭაშნიკეს გურული სამზარეულოს დიდებული ნიმუშები.. P.S.მადლობა შ.რადიანის მუზეუმის დირექტორს, ნ.ჯაველიძეს და მუზეუმის თანამშრომლებს, პროექტის განხორციელებისათვის გაწეულ დახმარებაში.” – ოზურგეთის მეოთხე საჯარო სკოლა.
Loading ...
