საბერძნეთში უკრაინის საელჩოში დიპლომატებმა სისხლიანი შეფუთვები მიიღეს, – ამის შესახებ განცხადება უკრაინის საგარეო საქმეთა სამინისტროს პრესსპიკერმა, ოლეგ ნიკოლენკომ გააკეთა.
მისივე ინფორმაციით, პაკეტები იდენტური იყო იმ სხვა შეფუთვების, რომლებიც ცოტა ხნის წინ სხვა ქვეყნებში მომუშავე უკრაინის საელჩოებმა მიიღეს.
სისხლიანი შეფუთვები საბერძნეთში მდებარე საელჩოში 12 დეკემბერს, დილის საათებში მიიღეს და იგი 28-ე ასეთი პაკეტი იყო.
“ფოსტის გამომგზავნის მისამართი იგივეა, რაც სხვა კონვერტებს ეწერათ, რომლებიც ადრეც გამოუგზავნეს უკრაინის საელჩოებს და კონსულებს: ტესლას ავტომობილების მაღაზია გერმანიის ქალაქ სინდელფინგენში. საბერძნეთის პოლიციამ გამოძიება დაიწყო. ჩვენ ასევე მოველით, რომ გერმანელი სამართალდამცველები უფრო დააჩქარებს გამოძიების პროცესს”, – განაცხადა ოლეგ ნიკოლენკომ.
Loading ...
