“სიკეთე გადამდებია” საქველმოქმედო აქცია ოზურგეთის მეოთხე საჯარო სკოლაში

სიკეთე გადამდებია, საქველმოქმედო აქცია ოზურგეთის მეოთხე საჯარო სკოლის მესამე კლასელების მონაწილეობით, 1 ივნისს სკოლის წინ, სკვერში გაიმართა, სადაც მოსწავლეებმა ნივთები განაახლეს, ახალი სიცოცხლე აჩუქეს და საქველმოქმედო ბაზრობა მოაწყვეს, შემოსული თანხა კი სოციალურად დაუცველ და მრავალშვილიან ოჯახს გადასცეს. ძველი ლამფა , პლასტმასის ბოთლისგან გაკეთებული საყვავილე და შეღებილი თასი , ეს იმ გასაყიდი ნივთების მცირე ჩამონათვალია, რომელიც პროექტის ორგანიზატორ ეკა დარჩიასთან ერთად დაწყებითი კლასის მასწავლებლებმა წამოადგინეს თავიანთ მოსწავლეებთან ერთად. მყიდველები თავად სკოლის მოსწავლე-მასწავლებლები, მშობლები გამვლელი ადამიანები და მახლობლად მდებარე დაწესებულებაში მომუშავე პირები იყვნენ.