სვანეთში გაუჩინარებული 59 წლის კაცის ცხედარი მდინარე ენგურმა გამორიყა

სვანეთში გაუჩინარებული 59 წლის კაცის, თამაზ კანკიას ცხედარი მდინარე ენგურმა გამორიყა. ის კაშხლის ტერიტორიაზე იპოვეს.

მისი ცხედარი ექსპერტიზის ჩატარების შემდეგ, საკუთარ სახლში, დაბა ჯვარში გადაასვენეს.

თამაზ კანკიას ოჯახი 16 ოქტომბრიდან ეძებდა. იგი სვანეთში სამუშაოდ იყო წასული.

ბოლო კონტაქტის დროს კანკიამ თქვა, რომ თავს შეუძლოდ გრძნობდა და სახლში დაბრუნებას აპირებდა.

ვრცელდება ინფორმაცია, რომ მასთან ერთად ნაპოვნია კიდევ ერთი კაცის ცხედარი, რომელიც რამდენიმე თვის წინ სვანეთში, მანქანით ხევში გადაიჩეხა. მანქანა მაშველებმა ამოიყვანეს, თუმცა მძღოლის პოვნა ვერ მოხერხდა. შსს მეორე ცხედრის პოვნას არ ადასტურებს.

formulanews.ge