თბილისში პარტია “ქართული ოცნების” შემაჯამებელ საარჩევნო შეხვედრაზე დასასწრებად ავტომობილების კოლონები გურიიდანაც წავიდნენ. წამსვლელები დღეს დილით, 07: 00 საათზე, სოფელ ნაგომარში შეიკრიბნენ.
რეგიონის სამივე მუნიციპალიტეტიდან აქციაზე მხარდასაჭერად, პარტიის ადგილობრივი ლიდერების განცხადებით, 5 000-ზე მეტი ადამიანი გაემგზავრა.
აღსანიშნავია, რომ აქციაზე წამსვლელთა შორის საჯარო მოხელეების, საკრებულოს, საბავშვო ბაღების და ადგილობრივი ა.ა.პ.-ების თანამშრომლების საკმაოდ დიდი რაოდენობა შეინიშნებოდა.
როგორც აქციაზე წამსვლელები აცხადებენ, მიდიან რათა გამოხატონ “ქართული ოცნების” მიმართ თავიანთი მხარდაჭერა ადგილობრივი თვითმმართველობის არჩევნების მეორე ტურის წინ.
შეგახსენებთ, რომ დღეს, 27 ოქტომბერს თბილისში, რუსთაველის გამზირზე “ქართული ოცნების” შემაჯამებელი შეხვედრა იმართება.
Loading ...
