საქართველოში სამი მიწისძვრა დაფიქსირდა – რა განმარტებას აკეთებენ სეისმური მონიტორინგის ცენტრში

სეისმური მონიტორინგის ცენტრში აცხადებენ, რომ საქართველოში დაფიქსირებული სამი მიწისძვრა მცირე მიწისძვრების კლასს განეკუთვნება.

როგორც სეისმოლოგმა მანანა ძმანაშვილმა საქართველოს პირველ არხს განუცხადა, ტერიტორია, სადაც მიწისძვრების ეპიცენტრი იყო, სეისმურად აქტიურია.

„მცირე კლასის მიწისძვრები იყო. ეგ ტერიტორია არის სეისმურად აქტიური და მსგავსი მიწისძვრები ძალიან ხშირად ხდება. ერთსაათიან შუალედში სამი ბიძგი დაფიქსირდა, პატარა მიწისძვრების გუნდი, 3,0 და 3,1 მაგნიტუდით. ეს არის მცირე კლასის მიწისძვრების გუნდი. არანაირ დაზიანებას არ მოახდენდა არც ეპიცენტრში და მით უმეტეს, არც მოშორებით. სოფელ სამებასთან შვიდი კილომეტრის მოშორებით იყო სამივე ეპიცენტრი“, – განაცხადა მანანა ძმანაშვილმა.

საქართველოში 6 ივნისის საღამოს სამი მიწისძვრა დაფიქსირდა. ბიძგების ეპიცენტრი სამივე შემთხვევაში სოფელ სამების მიმდებარე ტერიტორია იყო. მიწისძვრების სიძლიერემ 3.1 და 3.0 მაგნიტუდა შეადგინა.

www.1tv.ge