დაავადებათა კონტროლის ეროვნული ცენტრის მიერ მომზადებული ინფოგრაფიკის მიხედვით, 5 ოქტომბრის მონაცემებით, საქართველოში კორონავირუსით ინფიცირების 3 999 აქტიური შემთხვევა ფიქსირდება. მათგან კოვიდ სასტუმროებში მკურნალობს 1 100 პაციენტი. ინფიცირების 578 შემთხვევა დღეს გამოვლინდა.
ამდრომდე COVID-19 საქართველოში სულ 4 619 პაციენტმა დაამარცხა.
5 ოქტომბრის მონაცემებით, საერთო ჯამში საქართველოში კორონავირუსის 8 696 შემთხვევაა დადასტურებული. ვირუსმა 54 პაციენტი იმსხვერპლა.
ამასთან, ამჟამად კარანტინის რეჟიმში 5 392 პირი იმყოფება, სტაციონარში მეთვალყურეობის ქვეშ – 836 მოქალაქე, ხოლო უცხოეთიდან სამკურნალოდ გადმოყვანილია საქართველოს 41 მოქალაქე.
გარდა ამისა, ქვეყანაში ჯამში ჩატარებულია 679 169 ტესტი, PCR ტესტირებულთა რაოდენობა მილიონ მოსახლეზე 182 725-ს შეადგენს.
Loading ...