საქართველოში თურქეთიდან შემოტანილი მედიკამენტები ძვირდება

თურქეთის პრეზიდენტის, რეჯეპ ტაიპ ერდოღანის ახალი ბრძანებით, ქვეყნის ადგილობრივ ბაზარზე მედიკამენტების ფასები 25%-ით იზრდება. ფასის ზრდა ლირის მკვეთრი გაუფასურების გამო გახდა საჭირო.

როგორც საქართველოს ფარმაცევტთა ასოციაციის აღმასრულებელი დირექტორი, ილონა კოკიაშვილი „ბიზნესპრესნიუსთან“ საუბრისას ამბობს, თურქეთიდან შემოტანილი ფარმაცევტული პროდუქცია ჩვენთანაც 25-30%-ით გაძვირდება, ბაზარზე ეფექტი კი 1 თვეში უნდა დავინახოთ.

„როდესაც იმ ქვეყანაში მედიკამენტები ძვირდება, საიდანაც შემოგვაქვს, ბუნებრივია, ეს ჩვენთანაც გაზრდის ფასს. დაახლოებით, 25-30% იქნება ზრდა, ამ ეტაპზე ასეთი ინფორმაცია გვაქვს. ეს დამოკიდებული იქნება ჩვენი ბაზრის იმდროინდელ მოცემულობაზე, ინფლაციასა და გაცვლით კურსზე.

ცნობისთვის, საქართველოში იაფი თურქული მედიკამენტების შემოტანა მიმდინარე წლის იანვირიდან დაიწყო. 24 ივნისს ჯანდაცვის სამინისტროს მიერ გავრცელებული ინფორმაციით, საქართველოს სააფთიაქო ქსელებში ხელმისაწვდომია თურქეთიდან იმპორტირებული 400-ზე მეტი დასახელების მედიკამენტი, ფასები კი 60%-80%-მდეა შემცირებული. სამინისტროს ანგარიშის თანახმად, მიმდინარე წლის მარტიდან 24 ივნისამდე 155,000-ზე მეტმა მოქალაქემ შეიძინა თურქეთიდან იმპორტირებული მედიკამენტები და ძველი ფასებით, 74 მილიონის ნაცვლად, დაახლოებით, 23 მილიონი ლარი გადაიხადა.

www.bpn.ge