საქართველოში ზეთი შესაძლოა, კიდევ გაძვირდეს. ამის მიზეზი კი მთავარ იმპორტიორ ქვეყანაში – რუსეთში საექსპორტო გადასახადის ზრდა გახდეს. კერძოდ, 1-ლი მაისიდან რუსეთიდან მზესუმზირის ზეთის ექსპორტზე გადასახადი 313 დოლარიდან ტონაზე 372,2 დოლარამდე გაიზრდება. ასევე, 1-ლი მაისიდან მზესუმზირის შროტზე საექსპორტო გადასახადი დაწესდება და ტონაზე 96,3 დოლარი იქნება. ინფორმაციას რუსეთის სოფლის მეურნეობის სამინისტრო ავრცელებს.
ტონა ზეთზე გადასახადი მარტში 260,1 დოლარს შეადგენდა, თებერვალში – 251,4 დოლარს, იანვარში – 280,8 დოლარს, 2021 წლის დეკემბერში – 276,7 დოლარს, ნოემბერში – 194,5 დოლარს, ოქტომბერში – 227,2 დოლარს, ხოლო სექტემბერში – 169,9 დოლარს.
მაისის ახალი გადასახადი გამოითვლება ტონაზე საორიენტაციო ფასის, 1,531,8 დოლარის საფუძველზე, რაც აპრილში 1,447 დოლარს, მარტში 1,371 დოლარს, თებერვალში 1,359,2 დოლარს, იანვარში 1,401,2 დოლარს, დეკემბერში 1,395,4 დოლარს, ნოემბერში 1,492 დოლარს, ოქტომბერში 1,27 დოლარს, სექტემბერში კი 1,242,8 დოლარს შეადგენდა.
WWW.BPN.GE
Loading ...