საქართველოში ბოლო სამ თვეში 13 მიწისძვრა მოხდა

საქართველოში ბოლო სამ თვეში სხვადასხვა სიმძლავრის 13 მიწისძვრა მოხდა, ამათგან  მარტში – 4, აპრილში – 4, მაისში – 5.

უმრავლეს შემთხვევაში მიწისძვრის სიმძლავრე 3 ბალზე ოდნავ მეტი იყო. მხოლოდ ორჯერ სიმძლავრე აღემატებოდა 4 ბალს. 17 აპრილს დასავლეთ საქართველოში მომხდარი მიწისძვრის სიმძლავრე 4,5 იყო, ხოლო დღეს ყაზბეგთან მომხდარი სიმძლავრე წელს ყველაზე ძლიერი იყო და 4,9 ბალი შეადგინა.

არცერთ მიწისძვრას რაიმე სერიოზული ნგრევა ან ზიანი არ გამოუწვევია.