საქართველოში ამინდი მკვეთრად იცვლება – სინოპტიკოსების გაფრთხილება

გარემოს ეროვნული სააგენტოს ცნობით, 29 აგვისტოს ღამის საათებიდან შავი ზღვის სანაპირო რაიონებში ზოგან, ხოლო დღისით საქართველოს ტერიტორიის უმეტეს ნაწილში მოსალოდნელია ხანმოკლე წვიმა, ზოგან ძლიერი, ელჭექი, სეტყვა და ქარი.

მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს.

რაც შეეხება უახლოესი დღეების ამინდს გურიაში,

ოზურგეთში დღეს იწვიმებს, ტემპერატურა – 18-23 გრადუსი, შემდეგ დღეებში გამოიდარებს აგვისტოს ბოლომდე, ტემპერატურა 19 – 30 გრადუსი.

დღეს იწვიმებს ჩოხატაურში, ტემპერატურა – 19-26 გრადუსი. აგვისტოს დარჩენილ დღეებში მზიანი ამინდი იქნება, ტემპერატურა 21-33 გრადუსი.

იწვიმებს დღეს ლანჩხუთშიც, ტემპერატურა – 19-26 გრადუსი. აგვისტოს დარჩენილ დღეებში მზიანი ამინდი იქნება, ტემპერატურა 20-34 გრადუსი.