კორონავირუსის COVID-19 გავრცელების პრევენციის მიზნით, საქართველოში კარანტინის რეჟიმში აღმოჩნდა კიდევ 37 ადამიანი.
10 მარტის დილის მონაცემებით, კარანტინში სულ 178 ადამიანია. წინა დღის მონაცემებით, კარანტინის რეჟიმში იყო 141.
51-დან 56-მდე გაიზარდა სტაციონარში მეთვალყურეობის ქვეშ მყოფი პაციენტების რაოდენობა.
10 მარტის დილის მდგომარეობით, საქართველოში ლაბორატორიულად დადასტურებულია კორონავირუსით დაავადების სულ 15 შემთხვევა.
14 პაციენტი თბილისის ინფექციურ საავადმყოფოშია, 1 საჩხერის კლინიკაში. ინფიცირებულთაგან ორი ირანში იმყოფებოდა, დანარჩენი პაციენტები კი, ან იტალიაში მოგზაურობდნენ, ან კონტაქტი ჰქონდათ იტალიიდან დაბრუნებულებთან.
10 მარტის დილის მონაცემებით, მსოფლიოს 110-ზე მეტ ქვეყანაში კორონავირუსით დაავადდა საერთო ჯამში 114 400-ზე მეტი ადამიანი. გამოჯანმრთელდა დაახლოებით 64 000. გარდაცვლილია 4027.
ახალი სახეობის კორონავირუსი 2019 წლის დეკემბრიდან გავრცელდა ჩინეთის ჰუბეის პროვინციის ქალაქ უჰანიდან.
Loading ...
