საქართველოს ფუტსალის ნაკრებმა ევროპის 2022 წლის ჩემპიონატის პირველი საკვალიფიკაციო ეტაპი ასპროცენტიანი შედეგით დაასრულა. ავთანდილ ასათიანის გაწვრთნილმა გუნდმა თბილისის ოლიმპიურ სასახლეში გამართულ ჯგუფურ ტურნირზე, მესამე ტურში კოსოვოს ნაკრებს მოუგო – 6:1. ამ შეხვედრამდე ქართველმა ფუტსალელებმა გერმანია (3:1) და ავსტრიაც (8:2) დაამარცხეს.
საქართველოს ნაკრებმა ჯგუფში პირველი ადგილი დაიკავა და მოიპოვა ვროპის ჩემპიონატის ძირითად შესარჩევ ეტაპზე თამაშის უფლება. ევროპირველობის საგზურისთვის ბრძოლა 2021 წელს გაგრძელდება. იქამდე კი, წლეულს, 14 მაისს გაიმართება წილისყრა და გაირკვევა იმ სამი ნაკრების ვინაობა, რომლებსაც საქართველოს ნაკრები ორ-ორჯერ შეხვდება, შინ და სტუმრად პრინციპით.
კომენტარები
Loading ...