საქართველოს რკინიგზამ ბათუმის მიმართულებით დამატებით რეისები დანიშნა

საქართველოს რკინიგზა ბათუმის მიმართულებით დამატებით რეისებს ნიშნავს, რომლებიც პირველი ივლისიდან 31 ივლისის ჩათვლით შესრულდება.

საქართველოს რკინიგზის ინფორმაციით, თბილისიდან ბათუმის მიმართულებით მატარებელი 06:30 საათზე გავა, ხოლო ბათუმიდან დედაქალაქის მიმართულებით რეისი 14:30 საათზე შესრულდება.

„ბილეთების შეძენა შესაძლებელია ჩვენი ვებგვერდის საშუალებით: https://ticket.railway.ge; ასევე, სწრაფი გადახდის აპარატებით, საქართველოს რკინიგზის სალაროებში, საქართველოს რკინიგზის პარტნიორი კომპანიების მეშვეობით“, – აცხადებენ საქართველოს რკინიგზაში.