საქართველოს ნაკრებმა ევრობასკეტზე მეორე გამარჯვება მოიპოვა

ოთხი მატჩი, ორი მოგება – ასეთია საქართველოს ნაკრების შედეგი ევრობასკეტის ჯგუფური ეტაპის ოთხი ტურის შემდეგ. მეორე მოგება ალექსანდრ ჯიკიჩის გუნდმა მასპინძელ კვიპროსთან მოიპოვა – 93:61

საქართველოს ნაკრების კაპიტანმა, თორნიკე შენგელიამ ტურნირზე საუკეთესო შეხვედრა ჩაატარა, მან კვიპროსის წინააღმდეგ 27 ქულას, 4 მოხსნასა, 4 შედეგიან გადაცემასა და 2 ჩაჭრას მოუყარა თავი. „ბარსელონას“ კალათბურთელმა თამაშიდან მეტოქის ფარს 14-ჯერ შეუტია, საიდანაც 10 ტყორცნა ზუსტი იყო (5-დან 5 სამქულიანი), მან ასევე 4-დან 2 საჯარიმო გამოიყენა. 21 ქულითა და 13 მოხსნით ორმაგი დუბლი გაიფორმა გოგა ბითაძემ

ყველაზე მნიშვნელოვანი მატჩი კი ბოსნია-ჰერცეგოვინასთანაა, რომელიც ჯგუფიდან გასვლის საკითხში თავიდანვე საქართველოს უშუალო კონკურენტი იყო. ეს შეხვედრა 4 სექტემბერს გაიმართება, 16:00 საათზე დაიწყება, ხოლო პირდაპირ რეპორტაჟს საქართველოს პირველი არხი და პირველი არხი სპორტი შემოგთავაზებთ.