2021 წლის იანვარ-ივლისში საქართველომ ჩაის ექსპორტით 2.7 მლნ დოლარის შემოსავალი მიიღო. მსოფლიოს სხვადასხვა ქვეყანაში საქართველოდან რეალიზებული არომატიზებული ან არაარომატიზებული ჩაის მოცულობამ კი 1 339.4 ტონა შეადგინა.
ოფიციალური სტატისტიკის მიხედვით, მიმდინარე წელს ჩაის საექსპორტო მოცულობები 7%-ით აღემატება გასული წლის ანალოგიური პერიოდი მონაცემებს, ხოლო 23.8%-ით – 2019 წლის 7 თვის მონაცემებს, თუმცა ექსპორტირებული ჩაის ღირებულება გასულ წელთან შედარებით შემცირებულია (2020 წლის 7 თვე – 2,8 მლნ დოლარი), ხოლო 2019 წლის მაჩვენებელთან შედარებით გაზრდილია (2019 წლის 7 თვე 2.3 მლნ დოლარი).
აღნიშნული წლების განმავლობაში საქართველოსთვის ჩაის მთავარ საექსპორტო ბაზრად აზერბაიჯანი რჩებოდა, ხოლო საქონლის ექსპორტი, დაახლოებით, 20 ქვეყანაში ხორციელდებოდა. 2021 წლის Top-10 საექსპორტო ქვეყანა:
1. აზერბაიჯანი – 1.3 მლნ დოლარი, 184.3 ტონა;
2. თურქეთი – 506.8 ათასი დოლარი, 150.8 ტონა;
3. მონღოლეთი – 219.9 ათასი დოლარი, 400.5 ტონა;
4. თურქმენეთი – 150.9 ათასი დოლარი, 83.1 ტონა;
5. უკრაინა – 119.5 ათასი დოლარი, 64.3 ტონა;
6. ყაზახეთი – 115.6 ათასი დოლარი, 288.9 ტონა;
7. რუსეთი – 90.8 ათასი დოლარი, 110.7 ტონა;
8. უზბეკეთი – 63.8 ათასი დოლარი, 8.3 ტონა;
9. ესტონეთი – 30.9 ათასი დოლარი, 0.4 ტონა;
10. ტაივანი, ჩინეთის პროვინცია – 30 ათასი დოლარი, 2 ტონა.
რაც შეეხება იმპორტს, მსოფლიოს სხვადასხვა ბაზრიდან შესყიდული ჩაის მოცულობები ექსპორტის მაჩვენებელს ბევრად აღემატება. სტატისტიკის მიხედვით, მიმდინარე წლის 7 თვეში ჩაის იმპორტი 15%-ით შემცირდა და 1 169.7 ტონა ჩიას შესასყიდად ქვეყნიდან 4,8 მლნ დოლარი გავიდა.
საიმპორტო ბაზრებს შორის კი პირველ ადგილს კვლავ აზერბაიჯანი იკავებს. TOP-10 ქვეყანა კი, სადაც ჩაის ვყიდულობთ:
1. აზერბაიჯანი – 2.6 მლნ დოლარი, 427 ტონა;
2. რუსეთი – 858.9 ათასი დოლარი, 139.5 ტონა;
3. შრი-ლანკა – 784.3 ათასი დოლარი, 203.7 ტონა;
4. თურქეთი – 108.6 ათასი დოლარი, 329.1 ტონა;
5. არაბთა გაერთიანებული საამიროები – 104.5 ათასი დოლარი, 9.2 ტონა;
6. გერმანია – 87.3 ათასი დოლარი, 4.9 ტონა;
7. საფრანგეთი – 73.6 ათასი დოლარი, 2 ტონა;
8. ჩინეთი – 34,8 ათასი დოლარი, 11.09 ტონა;
9. ყირგიზეთი – 30 ათასი დოლარი, 2 ტონა;
10. პოლონეთი – 28 ათასი დოლარი, 1 ტონა.
www.bm.ge
Loading ...