The New York Times-ის მიხედვით, საქართველო 100 000 მოსახლეზე COVID-19-ის გავრცელების მიხედვით, 7 დღის საშუალო მაჩვენებლით, პირველ ადგილზეა, სიკვდილიანობით – მეოთხე. ახალი შემთხვევების დღიური საშუალო მაჩვენებელი საქართველოში 3 758-ია, სიკვდილიანობის – 36.
საქართველოზე ცუდი შედეგები, ბოლო 7 დღის მონაცემებით, მსოფლიოში არცერთ ქვეყანას არ აქვს.
ბოლო ორი კვირის განმავლობაში საქართველოში კორონავირუსის შემთხვევების რაოდენობა 68%-ით გაიზარდა.
ამავე გამოცემის მიხედვით, საქართველოში სრულად აცრილია მოსახლეობის 5.3%-ი.
დღეს, 10 აგვისტოს, საქართველოში ახალი კორონავირუსით კიდევ 54 ადამიანი გარდაიცვალა, ბოლო 24 საათში ჩატარდა 44 536 ტესტი და დადასტურდა 5 697 შემთხვევა. გამოჯანმრთელდა 2 713 პაციენტი.
ამასთან ერთად, დადებითობის დღიური მაჩვენებელი 12,79%-მდე გაიზარდა, ბოლო 14 დღის – 9,09%, ბოლო 7 დღის კი 10,05%-მდე.
Loading ...