“ჩვენ ყველას გვესმის საქართველოს მდგომარეობა და რა თქმა უნდა, არ გვსურს ქვეყანა გახდეს რუსეთის აგრესიის სამიზნე. უბრალოდ აქ ვსაუბრობთ იმაზე, თუ რა საუკეთესო გზებით შეუძლია ქვეყანამ მხარი დაუჭიროს უკრაინას ამ ომში და ეს გახლავთ ერთიანობა და ერთად დგომა. ერთიანობა არა მხოლოდ ქვეყნის შიგნით, თუმცა ეს ძალიან მნიშვნელოვანია, რადგან ყველამ ვნახეთ ამ პოლარიზაციას რა დამანგრეველი შედეგები მოაქვს, ასევე, ერთიანობა და სოლიდარობა საერთაშორისო კუთხით. მართლაც, თუ შევხედავთ როგორი ერთიანია ევროპა ამ შემთხვევაში, ამას არც რუსეთი არ ელოდა.
ძალიან პოზიტიური ნაბიჯი იყო, როცა პარლამენტის სპიკერი გაემგზავრა უკრაინაში და გამოხატა თავისი მხარდაჭერა. ასევე, საქართველოს პრეზიდენტის გამოსვლები და მისი კომუნიკაცია უცხოურ მედიასთან, იგი ყოველთვის მკაფიოდ აფიქსირებს პოზიციას უკრაინის მიმართ. ასევე, მე ვიცი, რომ გუშინ პრემიერმა გააკეთა მტკიცე მხარდამჭერი განცხადება უკრაინის მიმართ და რუსეთის საწინააღმდეგოდ და ეს გახლდათ პოლონეთში დონორთა ფორუმზე. უნდა ავღნიშნო ქართველი ხალხის ასეთი გულუხვი მხარდაჭერა და ერთგულება უკრაინის მიმართ ომის დაწყების პიველივე დღიდან.
რაც არის ძალზე მნიშვნელოვანი საკითხი, ეს გახლავთ სანქციების თავიდან არიდების საკითხი და საქართველო არ უნდა გახდეს ადგილი, სადაც რუსეთი შეძლებს სანქციებიდან თავის არიდებას. რა თქმა უნდა, საქართველო მისთვის მოსახერხებელი გზაა, რომ შევიდეს პროდუქცია, გამოიყენოს ეს ამ კუთხით, მაგრამ ეს არ უნდა მოხდეს და პრემიერ-მინისტრიც შეგვპირდა, რომ საქართველო არ გახდება ადგილი სანქციებიდან თავის არიდებისა, იმიტომ, რომ თუ ეს მოხდა მას ექნება თავისი შედეგები, იმიტომ რომ ეს გულისხმობს საერთაშორისო რეჟიმის რღვევას და შესაბამისად დამრღვევ მხარეს ექნება შედეგი. მნიშვნელოვანია, რომ ეს გზავნილი ერთიანობისა, დაინახოს რუსეთმა, რომ მას არ დარჩეს სანქციებისგან თავის არიდების გზა არცერთ ქვეყანაში, რადგან სანქციების მიზანია არის ის რომ შეჩერდეს ეს ომი და ეს პუტინს დღესვე შეუძლია.” – განაცხადა დეგნანმა “გურიაTV”-ის ეთერში.
Loading ...
