საფრანგეთში, ბოლო 24 საათის განმავლობაში, კორონავირუსის 52 518 ახალი შემთხვევა დადასტურდა და ინფიცირებულთა საერთო რაოდენობა 1 466 433-მდე გაიზარდა, – ამის შესახებ ინფორმაციას Reuters-ი ავრცელებს.
სააგენტოს ცნობით, გასული დღე-ღამის განმავლობაში დაფიქსირებული შემთხვევები რეკორდულად მაღალი დღიური მაჩვენებელია ქვეყნისთვის.
ამასთან, საფრანგეთში ვირუსს კიდევ 416 ადამიანის სიცოცხლე ემსხვერპლა და დაღუპულთა რაოდენობამ, საერთო ჯამში, 37 435-ს მიაღწია.
აღსანიშნავია, რომ რეანიმაციულ განყოფილებებში მოთავსებული პაციენტების რაოდენობა 152-ით გაიზარდა, რაც, ბოლო 4 თვის განმავლობაში დაფიქსირებული რეკორდულად მაღალი დღიური მაჩვენებელია. ამჟამად, რეანიმაციულ განყოფილებებში, საერთო ჯამში, 3 730 კოვიდინფიცირებულს მკურნალობენ.
ცნობისათვის, კორონავირუსის ინფიცირების შემთხვევების რაოდენობით საფრანგეთი მეხუთე ადგილზეა მსოფლიოში აშშ-ის, ინდოეთის, ბრაზილიისა და რუსეთის შემდეგ.
Loading ...