დღეს საქართველოს საფეხბურთო ჩემპიონატის, მეოთხე ლიგის ბოლო ტური გაიმართა. გურულების მთელი ყურადღება ლანჩხუთისენ იყო მიპყრობილი, სადაც ლაჩხუთის “გურია” “არაგველებს” მასპინძლობდა.
ლანჩხუთელებს ზედა, მესამე ლიგაში გადასასვლელად მხოლოდ ერთი ქულა ყოფნიდა.
მატჩს დაძაბულობას მატებდა ისიც რომ ლანჩხუთელები უშუალო მეტოქეს ეთამაშებოდნენ, “არაგველები” გამარჯვების შემთხვევაში “გურიას” გადაუსწრებდა და მესამე ლიგაში სწორედ ის გადავიდოდა.
მატჩმა თავისი დაძაბულობით მოლოდინს გადააჭარბა. “ევგრაფი შევარდნაძის” სახელობის სტადიონზე ნამდვილი საფეხბურთო “თრილერი” გათამაშდა.
შეხვედრა “გურიასთვის” არც თუ სახარბიელოდ დაიწყო. სტუმრები მეოთხე წუთზე დაწინაურდნენ, ხოლო მე-13 წუთისთვის ანგარიში უკვე 0-2 იყო.
ლანჩხუთელთა სასარგებლოდ უნდა ითქვას, რომ ისინი არ გატყდნენ და პირველ ტაიმშივე ორი გოლით უპასუხეს მეტოქეს.
გოლები 21-ე წუზე თამაზ შალიკაშვილმა, ხოლო 39-ე წუთზე ვანო შარვაძემ გაიტანეს.
პირველი ტაიმიც ფრედ, 2-2 დასრულდა.
მეორე ტაიმშიც, პირველის მსგავსად სტუმრებმა ორი გოლი გაიტანეს, რაზეც ლანჩხუთელებმაც დამატებით დროში ორით უპასუხეს. ორივე გოლი თეიმურაზ შარაშენიძემ გაიტანა.
საბოლოო ფრე, ანგარიშით 4-4 და ლანჩხუთის “გურია” მესამე ლიგაში დაწინაურდა.
Loading ...