საფეხბურთო დავების და სადისციპლინო კომიტეტმა “ნიკე-ლუსოს” გულშემატკივრების მხრიდან “ლანჩხუთის” ქალი ფეხბურთელების მიმართ ფიზიკური ანგარიშსწორების ეპიზოდის განხილვა დაასრულა

საფეხბურთო დავების და სადისციპლინო კომიტეტმა დაასრულა 20 სექტემბერს ნიკე ლუსოს გულშემატკივრების მხრიდან ქალთა საფეხბურთო კლუბ “ლანჩხუთის” წევრებზე ფიზიკური ანგარიშსწორების საქმიდან ცალკე გამოყოფილი რასიზმის ეპიზოდის განხილვა.
ამის შესახებ ინფორმაციას ქსკ “ლანჩხუთი” ავრცელებს.
“საფეხბურთო დავების და სადისციპლინო კომიტეტმა დაასრულა 20 სექტემბერს ნიკე ლუსოს გულშემატკივრების მხრიდან ჩვენი კლუბის წევრებზე ფიზიკური ანგარიშსწორების საქმიდან ცალკე გამოყოფილი რასიზმის ეპიზოდის განხილვა და დაადგინა რომ:
🔘 | მატჩის განმავლობაში ნიკე ლუსოს გულშემატკივრები ქსკ ლანჩხუთის ლეგიონერებს შეურაცხყოფას აყენებდნენ რასისტულ ნიადაგზე.
🔘 | და სასჯელის ფორმად განუსაზღვრა: მაყურებლების გარეშე 2 მატჩი, 1000 ლარის ჯარიმა და მესამე საშინაო მატჩზე ბანერის წარწერით „არა რასიზმის“ გამოყენება.
👉 | ვთვლით რომ კომიტეტმა ობიექტურად შეაფასა მოვლენები და დაადასტურა ნიკე ლუსოს გულშემატკივრების მხრიდან, როგორც მეტოქეზე ფიზიკური ძალადობის, ასევე რასიზმის გამოვლინების ფაქტები, თუმცა მიგვაჩნია, რომ დაკისრებული სასჯელი ლმობიერია და ვერ უზრუნველყოფს სამომავლოდ მსგავსი შემთხვევების პრევენციას.
📆 | მოკლედ, ჩვენი გულშემატკივრების საყურადღებოდ – 8 ნოემბერს ლანჩხუთში, 15:00 საათზე, ევგრაფი შევარდნაძეზე ვეთამაშებით ნიკე ლუსოს. მოდით თამაშზე, თქვენი მხარდაჭერა გვჭირდება ისე როგორც არასდროს!” –
ნათქვამია კლუბის განცხადებაში.