„სარფის“ საბაჟო გამშვებ პუნქტზე თურქეთიდან შემოტანილი პომიდორში მავნე ორგანიზმის კვალი აღმოჩნდა

უწყების განმარტებით, ფინანსთა სამინისტროს შემოსავლების სამსახურის საბაჟო გამშვებ პუნქტში „სარფი“, თურქეთის რესპუბლიკიდან შემოტანილი პომიდორის 2 სასაქონლო პარტია, რომელთა საერთო წონა 32 039 კგ-ს შეადგენდა, საზღვარზე გააჩერეს.

როგორც შემოსავლების სამსახურის მიერ გავრცელებულ განცხადებაშია აღნიშნული, სასაზღვრო-საკარანტინო კონტროლის პროცედურების ფარგლებში, პასუხისმგებელი ფიტოსანიტარის მიერ, საქონლის ინსპექტირებისას, პომიდორზე საკარანტინო მავნე ორგანიზმისთვის (Tuta Absoluta – სათბურში, პომიდვრის მენაღმე ჩრჩილის შეჯვარების საწინააღმდეგო საშუალება) დამახასიათებელი კვალი გამოვლინდა.

შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა.

აღსანიშნავია, რომ საქართველოში იმპორტირებული პომიდვრის 96% სწორედ თურქეთზე მოდის. კერძოდ, სტატისტიკის ეროვნული სამსახურის მონცემებით, წელს იანვარ-მარტში საქართველში ჯამში 7 522 ტონა (5.358 მლნ აშშ დოლარი) პომიდორი შემოვიდოა, აქედან 7 224 ტონა თურქეთიდან.