საპენსიო ასაკის ის პედაგოგებს, რომლებიც ნებაყოფლობით დატოვებენ სისტემას, ფულადი ჯილდოს მიღებას წლის ბოლომდე შეძლებენ, – ამის შესახებ საქართველოს განათლების მინისტრმა, მიხეილ ბატიაშვილმა მთავრობის სხდომის დასრულების შემდეგ გამართულ პრესკონფერენციაზე განაცხადა.
როგორც მიხეილ ბატიაშვილმა აღნიშნა, მასწავლებლის პროფესიული განვითარებით სქემაში ცვლილებები უკვე შევიდა.
„დადგენილება უკვე შევიდა ძალაში. ორი წლის ანაზღაურებასთან ერთად, ნებაყოფლობით სისტემის დატოვების შემთხვევაში საპენსიო ასაკის პედაგოგები ჯანმრთელობის დაზღვევთაციქნებიან უზრუნველყოფილნი. დაახლოებით ექვსი ათასამდე პედაგოგია, რომელმაც სისტემიდან გასვლის შესახებ გამოთქვა სურვილი. ვინც გამოთქვამს სურვილს, სექტემბრის ბოლოს მიიღებს ჯილდოს, თუმცა ეს პროცესი კიდევ გაგრძელდება და საპენსიო ასაკის პედაგოგებს 31 დეკემბრის ჩათვლით მიეცემათ საშუალება, დატოვონ სისტემა“, – განაცხადა მიხეილ ბატიაშვილმა.
მინისტრის განცხადებით, პედაგოგების ნაწილი კიდევ აპირებს სისტემიდან გასვლას და გასვლის მსურველთა რაოდენობაც აჩვენებს, რომ თემა აქტუალური იყო.
„მივიჩნევთ, რომ სახელმწიფომ უნდა იზრუნოს იმ ადამიანებზე, რომლებიც წლების განმავლობაში ამ სისტემას ემსახურებოდნენ. ვფიქრობთ, რომ ეს პროცესი წლის ბოლომდე დასრულდება, რადგან რეალურად რამდენჯერმე მიეცემათ შესაძლებლობა, რომ ისარგებლონ ამ შემოთავაზებით“, – განაცხადა ბატიაშვილმა.
https://1tv.ge
Loading ...