საპასპორტო და სავიზო მომსახურება გაგრძელდება შესაძლებლობის ფარგლებში – აშშ-ის საელჩოს განცხადებას ავრცელებს

ე.წ შათდაუნის გამო, აშშ-ის საელჩო საქართველოში აცხადებს, რომ დაგეგმილი საპასპორტო და სავიზო მომსახურება შეერთებულ შტატებსა და საზღვარგარეთ გაგრძელდება შესაძლებლობის ფარგლებში.

“ასიგნებების შეჩერების გამო, ფუნქციონირების სრულ აღდგენამდე, ეს გვერდი რეგულარულად არ განახლდება, გამონაკლისია ინფორმაცია გადაუდებელი უსაფრთხოების შესახებ. ამ პერიოდში, დაგეგმილი საპასპორტო და სავიზო მომსახურება შეერთებულ შტატებსა და საზღვარგარეთ აშშ-ის საელჩოებსა და საკონსულოებში გაგრძელდება შესაძლებლობის ფარგლებში. ჩვენი სერვისებისა და სამუშაო სტატუსის შესახებ ინფორმაციისთვის ეწვიეთ ვებგვერდს: travel.state.gov “, – წერს საელჩო.

ცნობისთვის, 1 ოქტომბრიდან აშშ-ის მთავრობა მუშაობას აჩერებს. ფედერალური უწყებები ე.წ „შათდაუნის“ მდგომარეობაში აღმოჩნდნენ მას შემდეგ, რაც ახალი საფინანსო წლის დაწყებამდე სენატმა ვერ შეძლო მიეღო კანონპროექტი მათი დაფინანსების შესახებ. აღსანიშნავია, რომ ამერიკაში ახალი საფინანსო წელი 1 ოქტომბრიდან იწყება.