გერმანიის ელჩი პიტერ ფიშერი ისევ აღნიშნავს, რომ მანამ, სანამ ე.წ. აგენტების კანონი ძალაში იქნება, ევროკავშირი არ გახსნის მოლაპარაკებებს საქართველოსთვის. ამის შესახებ ელჩმა BMG-სთან ინტერვიუში ისაუბრა.
პიტერ ფიშერს ჰკითხეს, თუ სად დგას ახლა საქართველო ევროინტეგრაციის გზაზე, რაზეც ელჩმა უპასუხა, რომ კანდიდატის სტატუსის მიღების შემდეგ, მომდევნო ნაბიჯი მოლაპარაკებების გახსნა უნდა ყოფილიყო.
“საქართველო არის [ევროკავშირის] კანდიდატი ქვეყანა. ეს იყო უზარმაზარი ისტორიული ნაბიჯი, როგორც ევროკავშირისთვის, ისე საქართველოსთვის. შემდეგი ნაბიჯი უნდა ყოფილიყო გაწევრიანების მოლაპარაკებების გახსნა, ყველა ქვეყანა მზადაა მოლაპარაკებები დაიწყოს, თუმცა საქართველოს მთავრობამ მიიღო კანონი, რომელიც არ შეესაბამება ევროკავშირის სტანდარტებს. სანამ ეს კანონი იქნება ძალაში, ჩვენ არ გავხსნით მოლაპარაკებებს საქართველოსთან”.
28 მაისს საქართველოს პარლამენტმა არ გაიზიარა პრეზიდენტის მოტივირებული შენიშვნები, დაძლია „აგენტების კანონზე“ დადებული ვეტო და 84 ხმით კანონი საბოლოოდ დაამტკიცა. პროცესი საპროტესტო აქციის ფონზე წარიმართა.
Loading ...
