„სამოქალაქო პიკნიკი“ სოციალურ სივრცეში – გარემოსდაცვითი შეხვედრა

„თანამონაწილეობისა და ჩართულობის ცენტრი სიპისის” ორგანიზებით, შეკვეთილში, მუსიკალური პარკის „სოციალურ სივრცეში“ გარემოსდაცვითი შეხვედრა – „სამოქალაქო პიკნიკი” გაიმართა. შეხვედრაზე განიხილეს მდინარე სუფსის აუზთან დაკავშირებული მნიშვნელოვანი საკითხები: შავი ზღვისა და მდინარეების ეკოსაფრთხეები, კლიმატის ცვლილების გამოწვევები, ქალების როლი ეკომენეჯმენტში, მუნიციპალური ნარჩენების გავლენა ადამიანის ჯანმრთელობასა და ზღვის ბინადრებზე და სხვ. „სამოქალაქო პიკნიკის“ მონაწილეებს – მდინარე სუფსის აუზის მოსახლეობას – გარემოსდაცვითი გამოწვევების შესახებ ესაუბრნენ ქალაქ ოზურგეთის მერი ავთანდილ თალაკვაძე, ოზურგეთის საკრებულოს თავმჯდომარე დავით დარჩია, პროექტის დირექტორი ზურაბ ნასარაია და მოწვეული ექსპერტი ლიეტუვადან ვიდა ვრუბლიაუსკენე.

პროექტი „კლიმატის ცვლილების მიტიგაცია გურიაში – სამოქალაქო აქტივიზმი სუფთა სუფსისთვის“ მიმდინარეობს ევროკავშირის მიერ მხარდაჭერილი პროექტის საქართველოს კლიმატის პროგრამა (GEO CAP) ფარგლებში, რომელსაც CENN-ი, პარტნიორ ორგანიზაციებთან ერთად, ახორციელებს საქართველოს ოთხ რეგიონში