საქართველოში ბაზრის ზედამხედველობის სააგენტოს ინფორმაციით, ბავშვების სათამაშო „ტყლარწის“ რამდენიმე პროდუქტში კიბოს გამომწვევი ქიმიკატები გამოვლინდა. ინფორმაციას მომხმარებელთა უფლებების ცენტრი შემთხვევის შესახებ სოციალურ ქსელში ავრცელებს.
სააგენტოს ცნობით, ლაბორატორიული შემოწმების შედეგად, სათამაშოში დაფიქსირდა ბორის მიგრაცია 1180 მგ/კგ-ის ოდენობით, რაც მნიშვნელოვნად აღემატება დასაშვებ ნორმას – 300 მგ/კგ-ს. აღნიშნული ნივთიერება მიეკუთვნება კანცეროგენულ, მუტაგენურ და რეპროდუქციისთვის ტოქსიკურ (CMR) ნივთიერებათა ჯგუფს, რაც ჯანმრთელობისთვის სერიოზულ რისკებს ქმნის.
ბაზრის ზედამხედველობის სააგენტო საზოგადოებას სიფრთხილისკენ მოუწოდებს და მშობლებსა და მეურვეებს ურჩევს, განსაკუთრებული ყურადღება გამოიჩინონ ბავშვებისთვის სათამაშოების შერჩევისას. უწყების ინფორმაციით, მიმდინარეობს შესაბამისი რეაგირება კანონმდებლობის ფარგლებში.
www.bm.ge
Loading ...