რა ხდის კონკრეტულ ქალაქს მსოფლიოში ერთ-ერთ ყველაზე ბედნიერად? ზოგჯერ ასეთი რეიტინგების შესადგენად ითვალისწინებენ ეკონომიკურ და ეკოლოგიურ ფაქტორებს, ხელოვნებასა და კულტურას, აგრეთვე ქალაქის სილამაზესაც.
Time Out-მა კი გადაწყვიტა საკუთარი გამოკითხვა ჩაეტარებინა, რომელშიც მსოფლიოს სხვადასხვა ქალაქის 18 ათასი ადამიანი მონაწილეობდა. გამოკითხვის შედეგებზე დაყრდნობით შედგა 2025 წლის მსოფლიოს 20 ყველაზე ბედნიერი ქვეყნის რეიტინგი. მონაწილეებს ეკითხებოდნენ კულტურაზე, ღამის ცხოვრებაზე, საკვებზე, ცხოვრების ხარისხზე და, რა თქმა უნდა, ბედნიერებაზე.
როგორც გამოცემა წერს, რეიტინგი დაფუძნებულია შემდეგ ხუთ კითხვაზე დადებითად გაცემული პასუხების შესაბამისად:
- ჩემი ქალაქი მაბედნიერებს;
- ჩემს ქალაქში უფრო ბედნიერად ვგრძნობ თავს, ვიდრე სხვა ადგილებში, სადაც ვყოფილვარ ან მიცხოვრია;
- ჩემი ქალაქის ადამიანები ბედნიერად მეჩვენებიან;
- ვპოულობ სიხარულს ყოველდღიურ შთაბეჭდილებებში, რასაც ჩემი ქალაქი მაძლევს;
- ბოლო დროს ჩემს ქალაქში ბედნიერების გრძნობა საგრძნობლად გაიზარდა.
ყველა პასუხის ანალიზის შემდეგ დადგინდა, რომ 2025 წელს მსოფლიოს ყველაზე ბედნიერი ქალაქი აბუ-დაბი გახდა. ემირატების დედაქალაქმა ყველა მაჩვენებელზე ყველაზე მაღალი – 90%-ზე მეტი შეფასება მიიღო.
მეორე ადგილზე აღმოჩნდა მედელინი (კოლუმბია). ადგილობრივების 97%-მა თქვა, რომ ისინი ყოველდღიურ ცხოვრებაში პოულობენ სიხარულს. მათი თქმით, ეს მსოფლიოში ერთ-ერთი ყველაზე მწვანე ქალაქია და ასევე დაიკავა მესამე ადგილი გურმანების საუკეთესო ქალაქების რეიტინგში.
მესამე ადგილზეა კეიპტაუნი (სამხრეთ აფრიკა) – ქალაქი, რომელიც ამაყობს თავისი პლაჟებით, ხელოვნებითა და კულტურით. მის გასტრონომიულ ცხოვრებასაც საკმაოდ მრავალფეროვნად მიიჩნევენ.
10 ყველაზე ბედნიერი ქალაქი მსოფლიოში:
- აბუ-დაბი – არაბთა გაერთიანებულ საამიროები
- მედელინი – კოლუმბია
- კეიპტაუნი – სამხრეთ აფრიკა
- მეხიკო – მექსიკა
- მუმბაი – ინდოეთი
- პეკინი – ჩინეთი
- შანხაი- ჩინეთი
- ჩიკაგო – აშშ
- სევილია – ესპანეთი
- მელბურნი – ავსტრალია
გარდა ამისა, ბედნიერი ქალაქების ოცეულში მოხვდნენ – დიდი ბრიტანეთის ქალაქი ბრაიტონი, პორტუგალიის პოტრუ; ასევე სიდნეი; დუბაი; გლაზგო, ვალენსია, ინდონეზიური ჯაკარტა, მარაკეში, ვიეტნამური ჰანოი და ტაილანდური ჩიანგმაი.
www.bpn.ge
Loading ...