კორონავირუსის პანდემიის საწინააღდეგო შეზღუდვებმა მსოფლიოსა და საქართველოში გრიპის ვირუსი გააქრო. ამის შესახებ “პალიტრანიუსის” ეთერთში იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ განაცხადა.”პანდემიამ გვიჩვენა ერთი უცნაური ფაქტი, რომელიც სრულიად მოულოდნელი იყო. პრაქტიკულად მსოფლიოში და არამარტო საქართველოში, ნიღბებით, სკოლებისა და ბაღების ჩაკეტვით გავაქრეთ გრიპი, რესპირაციული ინფექციები.
10 დღის წინ დამთავრდა საქართველოში გრიპის სეზონი. ნოემბერ-მარტის პერიოდში გვაქვს სეზონი ჩვენი ქვეყნის კლიმატური პირობებიდან გამომდინარე.
საქართველოში გრიპის ორად ორი შემთხვევა დაფიქსირდა 5 თვის განმავლობაში. მანამდე კვირაში იყო 15-20 შემთხვევა. გრიპი და მძიმე რესპირაციული ინფექციები პრაქტიკულად შესაძლებელია, რომ კონტროლს დაექვემდებაროს,” – აცხადებს ჩხაიძე.
Loading ...