
საბერძნეთში ძლიერ წყალდიდობას ებრძვიან – უამინდობის გამო დაიხურა სკოლები, დაწესდა საგანგებო გაფრთხილება. ხელისუფლება მოსახლეობას სახლში დარჩენისკენ მოუწოდებს.
უცხოური მედიის ინფორმაციით, წყალდიდობამ განსაკუთრებით დააზარალა პოპულარული კუნძული პაროსი, ასევე ქალაქები პარიკია და ნაოზა. ყველა მანქანას ეკრძალება მოძრაობა, გარდა სასწრაფო დახმარებისა.
დაშავებულების ან დაკარგულების შესახებ ინფორმაცია ამ დრომდე არ ვრცელდება.
ეგეოსის ზღვის მატერიკიდან სამხრეთ-აღმოსავლეთით მდებარე რამდენიმე მეზობელი კუნძული კვლავ მკაცრი ამინდის გაფრთხილების ქვეშ იმყოფება. ადგილობრივი მეტეოროლოგები ვარაუდობენ, რომ საბერძნეთში უამინდობა ოთხშაბათამდე გაგრძელდება.
ქვეყნის ეროვნულმა მეტეოროლოგიურმა სამსახურმა განახლებული საგანგებო ამინდის ბიულეტენი გამოაქვეყნა, სადაც ნათქვამია, უახლოეს დღეებში ძლიერი წვიმა და ელჭექია მოსალოდნელი.