საბერძნეთში 73 წლის ქართველი დააკავეს-სექსუალური ხასიათის ქმედება არასრულწლოვნის მიმართ და იარაღის უკანონო ტარება

საბერძნეთის პროკურატურამ 73 წლის ქართველ კაცს არასრულწლოვნის მიმართ განხორციელებულ სექსუალურ ქმედებასა და იარაღის უკანონო ტარების გამო, ბრალი წარუდგინა.

ბერძნული მედიის ცნობით, ასაკოვანი კაცი დრამის მუნიციპალური ბაღის მიმდებარედ არასრულწლოვანს თავს დაესხა.

მათი ინფორმაციით, 73 წლის კაცი მაშინვე შენიშნეს დრამის პოლიციის თანამშრომლებმა და ადგილზე დააკავეს.

“კუპატაძე დილარის შესახებ ინფორმაცია გავრცელდა იმის დასადგენად, განახორციელა თუ არა 73 წლის ქართველმა სექსუალური ძალადობა სხვა არასრულწლოვანებზე. პოლიცია სთხოვს ნებისმიერს, ვინც რაიმე იცის მის შესახებ, დაუკავშირდეს მათ ინფორმაციისთვის.”- წერს ბერძნული მედია. 

ამავე სტატიაში წერია, რომ ინფორმაციის მიმწოდებლის ანონიმურობა და კომუნიკაციის კონფიდენციალურობა იქნება დაცული.