თბილისი 2020 წელს ახალი ნაძვის ხით შეხვდება. „თბილსერვის ჯგუფის“ მიერ გამოცხადებულ ტენდერში მხოლოდ ერთმა კომპანიამ, იტალიურმა IDO SRL-მა მიიღო მონაწილეობა. იტალიური კომპანია, თბილისს 25 მეტრიან ნაძვის ხეს მიჰყიდის. ხელშეკრულების მიხედვით, იტალიური ნაძვის ხის შეძენა, თბილისის მერიას 304,848 ევრო ანუ დღევანდელი კურსით 998,072 ლარი დაუჯდება.
ასევე, სახელმწიფო შესყიდვების ვებგვერდზე გავრცელებული ინფორმაციით, თბილისის მერიამ იტალიური კომპანიასთან კიდევ ერთი ხელშეკრულება გააფორმა. ამ ხელშეკრულების საფუძველზე “საახალწლო განათებული კონსტრუქციებისა და აქსესუარების შესყიდვისთვის” თბილისის მერია 387,150 ევროს (1,267,529 ლარი) გადაიხდის.
აღნიშნული ხელშეკრულება „თბილსერვის ჯგუფსა“ და “IDO SRL“-ს შორის 30 სექტემბერს გაფორმდა.
წყარო: alia.ge
კომენტარები
Loading ...