საათნახევარში „ფაიზერზე“ 100 000-ზე მეტი ადამიანი დარეგისტრირდა

კოვიდ-საწინააღმდეგო ვაქცინა „ფაიზერი“ საათნახევრის განმავლობაში 100 000-ზე მეტმა ადამიანმა დაჯავშნა. 

ვაქცინაზე რეგისტრაცია 24 ივლისს, 12 საათზე გაიხსნა. სარეგისტრაციო პორტალზე სულ გამოტანილი იყო 150 000 დოზამდე ვაქცინა. 13:30 საათისთვის პორტალზე დარჩენილია 54 000 დოზა ვაქცინა.

საქართველოს ჯანდაცვის მინისტრის ბრძანების თანახმად, „ფაიზერის“ ვაქცინით აცრა შესაძლებელი იქნება 16 წლის ასაკიდან.

24 ივლისს, გამთენიისას, საქართველოში ჩამოვიდა ამერიკის მთავრობის მიერ ნაჩუქარი ნახევარი მილიონი დოზა „ფაიზერი“.