რუსეთში შექმნილი “კოვიდ 19”-ის საწინააღმდეგო ვაქცინა “სპუტნიკ V” ალკოჰოლთან შეუთავსებელია. ამის შესახებ ინფორმაცია სხვადასხვა რუსულ გამოცემებში გამოჩნდა მას შემდეგ რაც მოსკოვსა და მის შემოგარენში ახალი ვაქცინით აცრები დაიწყო.
როგორც წყაროები იუწყებიან ვაქცინის მიღებამდე ორი კვირით ადრე არ შეიძლება ალკოჰოლის მიღება. ასევე ალკოჰოლის მიღება არ შეიძლება პირველი ინექციიდან 42 დღის განმავლობაში, მეორე ვაქცინაციის ჩატარებამდე. სწორედ 42 დღე სჭირდება ადამიანის ორგანიზმს ანტისხეულების გამომუშავებისათვის. რუსეთის ვიცე-პრემიერის ტატიანა გოლიკოვას განცხადებით პირველი ინექციის გაკეთების შემდეგ 42 დღის განმავლობაში აცრილმა პირმა ალკოჰოლის გარდა თავი უნდა შეიკავოს იმ წამლების მიღებისგან, რომლებიც იმუნიტეტს აქვეითებს. მათ ასევე ამ დროის განმავლობაში უნდა ატარონ პირბადე და დაიცვან სოციალური დისტანცია.
ზოგიერთი რუსი მეცნიერის განმარტებით საკმარისია ალკოჰოლისგან თავის შეკავება ყოველი ინექციიდან სამი დღის განმავლობაში.
ამ ეტაპზე არ არსებობს ზუსტი განმარტება აუცილებელია თუ არა ალკოჰოლზე უარის თმა ვაქცინაციის პერიოდში და თუ აუცილებელია რამდენი დღით. რუსული ვაქცინის ინსტრუქციაში ალკოჰოლთან დაკავშირებული რაიმე ჩანაწერი არ არსებობს.
მასალა მომზადებულია გამოცემა meduza.io-ზე დაყრდნობით
Loading ...