უკრაინის გენერალური პროკურატურის სექსუალური ძალადობის საქმეების გამოძიებაზე პასუხისმგებელი პროკურორი ირინა დიდენკო ამბობს, რომ უკრაინაში რუსი ოკუპანტების სექსუალური ძალადობის მსხვერპლი, 4-დან 85 წლამდე ასაკის ადამიანები გახდნენ.
როგორც მან ინტერვიუში განაცხადა, ამჟამად სექსუალურ ძალადობაში ეჭვმიტანილი ხუთი პირია იდენტიფიცირებული. სასამართლოში ორის საქმე უკვე განიხილება – “ეს მხოლოდ დასაწყისია” – ამბობს პროკურორი.
ქვეყნდება იმ ხუთი რუსის სია, რომლებიც აღნიშნულ უმძიმეს დანაშაულებში არიან ეჭვმიტანილი
დიდენკოს თქმით, რუსი სამხედროების მიერ ჩადენილი სექსუალური ხასიათის დანაშაულები ფიქსირდება ოკუპანტებისგან გათავისუფლებულ უკრაინის ყველა რეგიონში. ის არ აკონკრეტებს ამ დანაშაულების რაოდენობას.
“სექსუალური ძალადობა ყველა კატეგორიას თანაბრად შეეხო: ქალებს, მამაკაცებს, ბავშვებს. რაც შეეხება ასაკს, 4-დან 85 წლამდე. სამწუხაროდ, არანაირი გამონაკლისი, კატეგორიები და ასაკობრივი მახასიათებლები, ნებისმიერი სქესისა და ასაკის ადამიანი განიცდიდა ასეთ ძალადობას და, სამწუხაროდ არის ბევრი შემთხვევაა“, – განაცხადა მან.
მანამდე უკრაინის შს მინისტრის მოადგილემ, კატერინა პავლიჩენკომ განაცხადა, რომ უკვე აღძრულია 43 სისხლის სამართლის საქმე, რომელიც ეხება ოკუპანტების მიერ მშვიდობიანი მოსახლეობის წინააღმდეგ ჩადენილ სექსუალურ დანაშაულს.
Loading ...
