რუსთავის ქალთა ციხეში ბრალდებული გარდაიცვალა – 70 წლის ნუნუ ბრეგვაძე. ინფორმაციას Publika.ge ავრცელებს. გამოცემის ცნობით, შემთხვევა 13 ნოემბერს მოხდა. როგორც „პუბლიკას“ პროკურატურაში განუცხადეს, საქმეს სამსახურებრივი გულგრილობის მუხლით იძიებენ.
ნუნუ ბრეგვაძე ე.წ. წინასწარ პატიმრობაში იყო. ის N5 დაწესებულებაში 26 ოქტომბერს შეასახლეს, სამ კვირაში – 13 ნოემბერს კი გარდაიცვალა.
გამოცემისვე ინფორმაციით, გარდაცვალებამდე ის გადაყვანილი იყო კიდეც კლინიკა „ვივამედში”, თუმცა მოგვიანებით ისევ ციხეში დააბრუნეს, სადაც გარდაიცვალა.
პენიტენციურ სამსახურს შეკითხვებზე ჯერჯერობით პასუხი არ გაუცია. თუმცა უწყებისგან პასუხი ამ დრომდე არ მიგვიღია. შეკითხვები ეხება ყველა იმ საკითხს, რომელიც ოჯახისთვის ამ დრომდე პასუხგაუცემელია – ექსპერტიზის დასკვნაზე, გაწეულ სამედიცინო დახმარებაზე, იმაზე, თუ რა გააკეთა ციხის ადმინისტრაციამ იმისთვის, რომ თავიდან არიდებულიყო ბრალდებულის გარდაცვალება.
„პუბლიკა“ გარდაცვლილი ბრალდებულის ადვოკატსაც ესაუბრა. გარდაცვალების მიზეზზე მას სხვაგვარი ინფორმაცია აქვს – ამბობს, რომ ამის მიზეზი მაღალი წნევა გახდა.
„ეს ცნობა მოიპოვა ბრალდების მხარე, თუმცა მეც დავრეკე იქ, ჯანმრთელობის მდგომარეობიდან, ვინაიდან მაღალი არტერიული წნევა აწუხებდა სწორედ ეს გახდა გარდაცვალების მიზეზი, სხვა არანაირი მიზეზი არ არის.
გაკვეთეს გვამი, რომ დაედგინათ სიკვდილის მიზეზი. ასე ხდება ყველა გარდაცვლილი პატიმრის მიმართ… გაუწევდნენ [სამედიცინო დახმარებას], მაგრამ ვერ აღმოჩნდა ალბათ საკმარისი და გარდაიცვალა“, – ამბობს ადვოკატი ირაკლი შენგელია.
კომენტარები
Loading ...