რუსული სამთავრობო მედია რუსეთის ფედერაციის საგამოძიებო კომიტეტის პრესსამსახურზე დაყრდნობით წერს, რომ რუსეთის სასამართლომ ქართველ მებრძოლს, გიორგი გოგლიძეს, რომელიც უკრაინის მხარეს იბრძოდა, 9-წლიანი პატიმრობა მიუსაჯა.
“რუსეთის საგამოძიებო კომიტეტის მთავარი გამოძიების დეპარტამენტის მიერ მოპოვებული მტკიცებულებები საკმარისად მიიჩნია სასამართლომ, რომ საქართველოს მოქალაქე გიორგი გოგლიძის მიმართ განაჩენი გამოეტანა. ის დამნაშავედ ცნეს რუსეთის ფედერაციის სისხლის სამართლის კოდექსის 359-ე მუხლის მე-3 პუნქტის მიხედვით ჩადენილ დანაშაულში (დაქირავებულ ჯარისკაცად მსახურობა)”. – წერია განცხადებაში.
რუსულმა მხარემ გოგლიძე, კიდევ ერთ ქართველ მებრძოლთან, გიორგი ჩუბითიძესთან, ერთად 2023 წლის ნოემბერში აიყვანა ტყვედ.
გამოცემა Эхо Кавказа-ს ინფორმაციით, უკრაინის მხარეს საბრძოლველად წასულ ქართველ მოხალისეებს, მათ შორის გოგლიძესაც, უკრაინის შეიარაღებულ ძალებთან კონტრაქტები ჰქონდათ გაფორმებული, შესაბამისად ისინი დაქირავებული მებრძოლები არ ყოფილან.
Loading ...