რუსეთში უკანონოდ დეპორტირებული 37 ბავშვი უკრაინამ სამშობლოში დააბრუნა

უკრაინის რეინტეგრაციის სამინისტრომ დაადასტურა, რომ რუსეთში უკანონოდ დეპორტირებული 37 უკრაინელი ბავშვი სამშობლოში დაბრუნდა.

ბავშვები აგვისტოში რუსეთის მიერ ოკუპირებული ხარკოვის ტერიტორიიდან წაიყვანეს.

„აგვისტოს ბოლოს პატარები იძულებით გაიყვანეს ხარკოვის ოლქიდან რუსეთის დაბა ყაბარდინკაში (გელენჯიკთან), მიუხედავად იმისა, რომ ყველას ჰყავს მშობლები“, – წერს უწყება. 

სამინისტრომ დაბრუნების პროცესს „რთული“, მაგრამ „წარმატებული“ უწოდა.