მოსკოვში, რუსეთის ტრანსპორტის სამინისტროს შენობაში, თათბირის მსვლელობისას მაღალჩინოსანი ალექსეი კორნეიჩუკი გარდაიცვალა.
42 წლის კორნეიჩუკი რკინიგზის ტრანსპორტის სააგენტოს სამმართველოს უფროსის მოადგილე იყო.
მედიის ინფორმაციით, თათბირის დროს კორნეიჩუკი ფეხზე ადგა, შემდეგ დაეცა და ადგილზე გარდაიცვალა.
ცოტა ხნით ადრე გარდაიცვალა რუსეთის ტრანსპორტის ყოფილი მინისტრი რომან სტაროვოიტი, რომელიც თანამდებობიდან რამდენიმე საათით ადრე გადააყენეს.
სტაროვოიტის გარდაცვალების სავარაუდო მიზეზად თვითმკვლელობა სახელდება. ყოფილი მინისტრის სხეული მოსკოვის ოლქში, საკუთარ სახლში იპოვეს.
ყოფილი მინისტრის გარდაცვალებას გამოეხმაურა რუსეთის საგამოძიებო კომიტეტი.
“რუსეთის საგამოძიებო კომიტეტის მოსკოვის ოლქის თანამშრომლები ადგილზე მუშაობენ, რათა დაადგინონ ზუსტი გარემოებები. ძირითადი ვერსია თვითმკვლელობაა”. – წერია საგამოძიებო კომიტეტის განცხადებაში.
Loading ...