რუსების სამეთაურო შტაბი გავანადგურეთ, შესაძლოა რამდენიმე გენერალიც მოკვდა – არესტოვიჩი

ვოლოდომირ ზელენსკის ოფისის ხელმძღვანელის მრჩევლის, ოლექსი არესტოვიჩის ცნობით, უკრაინულმა არმიამ გაანადგურა რუსების ერთ-ერთი არმიის სამეთაურო შტაბი, რაც მისივე თქმით, შესაძლოა ნიშნავდეს იმას, რომ მკვდარია მტრის რამდენიმე გენერალიც.

“ჩვენმა ჯარება გაანადგურეს რუსული ერთ-ერთი არმიის სამეთაურო შტაბი. ეს არის უდიდესი სამხედრო მიღწევა. შესაძლოა, ეს ნიშნავს იმას, რომ მოკლულია რამდენიმე გენერალიც და შესაბამისად, ეს გამოიწვევს მტრის სამხედრო ოპერაციის შეყოვნებასა და დეზორგანიზაციას”, – ავრცელებს უკრაინული გამოცემა არესტოვიჩის განცხადებას.

უკრაინის შინაგან საქმეთა სამინისტროს 17 მარტს გამოქვეყნებული ინფორმაციის მიხედვით, ომის დაწყებიდან 17 მარტამდე უკრაინულმა არიამ 14 000-ზე მეტი ოკუპანტი მოკლა, გაანადგურა: 444 ტანკი, 86 თვითმფრინავი და შვეულმფრენი, 864 ავტომანქანა, 201 ქვემეხი, 3 გემი და კატერი.