რომის პაპი ისრაელი-ჰამასის კონფლიქტზე – ბრძნული გამოსავალი არსებობს: ორი ხალხი, ორი სახელმწიფო

რომის პაპმა ფრანცისკემ ისრაელსა და „ჰამასს“ შორის კონფლიქტზე ისაუბრა და კიდევ ერთხელ დაადასტურა, რომ მხარს უჭერს კონფლიქტის ორი სახელმწიფოს პრინციპზე დაფუძნებით გადაწყვეტას.

“ორი ხალხი, რომლებმაც ერთად უნდა იცხოვრონ. ბრძნული გამოსავალი არსებობს: ორი ხალხი, ორი სახელმწიფო, ოსლოს შეთანხმების თანახმად: ორი ძალიან შეზღუდული სახელმწიფო და იერუსალიმი განსაკუთრებული სტატუსით”, – აღნიშნა რომის პაპმა ფრანცისკემ.

ცნობისათვის, ისრაელი-პალესტინის კონფლიქტის ორი სახელმწიფოს პრინციპზე დაფუძნებით გადაწყვეტა ათწლეულებია საერთაშორისო თანამეგობრობის მიზანს წარმოადგენს. ბევრი ქვეყანა ამბობს, რომ ეს კონფლიქტის ერთადერთი გამოსავალია.