ბოლო დღეებია, საზოგადოების ინტერესის საგანი სააღდგომოდ სასაფლაოების შესაძლო დაკეტვის საკითხი დადგა. იგივე შეკითხვაზე პასუხი აინტერესებთ გურიაშიც. გურიის მხარის გუბერნატორის ზურაბ ნასარაიას თქმით, ოზურგეთში მდებარე სასაფლაოებზე შესვლა შეიზღუდება. რაც შეეხება სოფლებში მდებარე სასაფლაოებს, ამ ეტაპზე ეს საკითხი გადაწყვეტილი არ არის.
” გურიაში გუშინ და დღეს მოსახლეობის საკმაოდ რაოდენობა შემოვიდა. ქალაქი შეივსო და მიღებულ იქნება გადაწყვეტილება, რომ შეიზღუდოს გარკვეულ ადგილებში მოსახლეობის გადაადგილება. ვფიქრობთ, რომ ოზურგეთში დიდ ქალაქში შევზღუდოთ სასაფლაოებზე მოქალაქეების მისვლა. ყველას მოვუწოდებ, რომ ამ საკითხს გაგებით მოვეკიდოთ, რადგან საქმე სიცოცხლეს და ჯანმრთელობას ეხება.
რაც შეეხება სოფლებში მდებარე სასაფლაოებს. ამასთან დაკავშირებით ჯერ გადაწყვეტილება არ გვაქვს მიღებული. ვფიქრობთ, რომ სადაც მეტი ხალხმრავლობა და რისკია, მოქალაქეთა შესვლა იქ შევზღუდოთ.” – განაცხადა ზურაბ ნასარაიამ.
Loading ...