რომელი როლის შესრულებაზე ოცნებობს ჩოხატაურის თეატრის მსახიობი – ინტერვიუ ვასილ ბუბუტეიშვილთან

29 იანვარს ოზურგეთის დრამატულ თეატრში რეჟისორ ნიკოლოზ საბაშვილის სპექტაკლის ”რესპუბლიკა გურია” პრემიერა შედგა. სპექტაკლში მონაწილეობას იღებდა ჩოხატაურის მუნიციპალიტეტის კულტურის ცენტრთან არსებული სახალხო თეატრის მსახიობი ვასილ ბუბუტეიშვილიც.

ბლიც ინტერვიუ მსახიობთან:

– რატომ გადაწყვიტეთ მსახიობობა? – სკოლაში ვმონაწილეობდი სხვადასხვა საბავშვო სპექტაკლებში, ძალიან მომწონდა როლში ყოფნა, სხვადასხვა პერსონაჟის თამაში. წლების შემდეგ მივედი ჩოხატაურის სახალხო თეატრში და დღესაც აქ ვმოღვაწეობ.

– კმაყოფილი ხართ თქვენს მიერ შესრულებული როლით ოზურგეთის თეატრში? – ძალიან, ოზურგეთის თეატრთან დიდი ხნის ურთიერთობა მაკავშირებს, არაჩვეულებრივ დასთან და რეჟისორთან ერთად მომიწია მუშაობა.

– უამრავი როლის შესრულების მიუხედავად, გაქვთ საოცნებო როლი? – კი, ყვარყვარე.

– რას უსურვებთ თქვენს მაყურებელს. – ჯანმრთელობას, პანდემიის გარეშე ცხოვრებას…

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა თაკო ასიეშვილმა  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.